✍️ जीवन आचार्य निश्चल

पानीबाट पानी हरायो
आखाबाट नानी हरायो

आगोबाट खरानी

क्रमश…

मान्छेवाट मानवता ,
भरोसा, विश्वास
प्रतीक्षा
हराउदै हराउदै गयो

न्यायालय बाट न्याय हराएको हो
रामसँगै
रामराज्यबाट विश्वास हरायो आफन्तको
र, बुद्धकालसँगै
शान्ति हराएको हो उहिले

आज खोजेर कहाँ पाइन्छ

सूचना – २

न्यायमूर्तिको
आँखामा पट्टी किन बाँधिन्छ ?

उत्तर

कठघरामा उभिएको बयानको
सत्य सुन्न नपरोस्,
सत्य देख्न नपरोस्,

निष्पक्ष र सत्य न्याय गर्न नपरोस्

तर पनि
सबैले विश्वास गर्छन्

न्यायालयले उचित न्याय दिन्छ भनेर
न्यायलय जानू भन्ने उर्दी जारी भएको छ