✍️ दिपेन्द्र आचार्य

धेरै तातो नहाल्नु !!

फुट्छ !
टुक्र टुक्रा हुन्छ सपना !!

पौरखी नेपालीले पौरख बेचेर भाकेको रङ्गीन सपना।

तर सपनाको पनि हुन्छ र रङ्ग ?
कि बेरङ्ग हुन्छ सपना
पानी जस्तै।।
कि काँच जस्तै हुन्छ सपना ??

रङ्गीन देख्न पल्केका युवा घामहरू
पस्दैछ्न खाडीतिर
तर पाउलान के उनेरले
रातको त्यो अध्यारोमा
चन्द्रमा !!

पाउँछन् !
तर पटक पटक टुक्रेर घाम
टुक्रा टुक्रा हुनुपर्छ
अनि
प्रत्येक टुक्रामा लेखिनु पर्छ नाम
चन्द्रमा !!!

अँ ! तातो विचार पसेर अहिले
टुक्रा टुक्रा भएकोछ कविता।।

म बटुल्दैछु
भूपीहरूलाइ
देवकोटाहरूलार्इ
कविताको यी टुक्राहरू लगेर फ्याक्नेछु
देवालको च्यापमा।।

तर हातैमा नआउने टुक्रा भने
खुट्टामा बिझे स्याप्टिक हुन सक्छ।।

वी पी,मदन र प्रचण्डहरु बिझेर भएको स्याप्टिक निको पार्न
धााँउदैछ नेपाल अहिले दुबई कतारहरू।।

हयान्डल विथ केयर
भित्र फुट्ने सामग्री छ
काँच।।