✍️ मानन्धर अभागी

गजल – एक

काँसको फूल म कसैलाई चल्दैन
फुल्न त फूलें कुनै अर्थ नै रहेन

ढकम…क्क फूलें केहि काम छैन्
फुलेर के गर्नु कसैले मन परेन

बिस्तारै बिस्तारै झर्न थालें हेर
एक थुङ्गा पनि द्दौत्तालाई चलेन

न शिरमा चढें न पाउमै परें
भगवान…ले किन मलाई रूचेन

मलाई नछूटाओ बिन्ती छ हजुर
मेरो यो पुकार कसैले नि सुनेन

गजल – दुई

गरी साँचो माया देखाउ मलाई
तिम्रो त्यो कसम दिलाउ मलाई

नसोध के चाहिन्छ भनेर हजुर
नजानेका कुरा सिकाउ मलाई

म मात्तेछु भने सम्झाउ बुझाउ
फकाएर हजुर रिझाउ मलाई

सहारा हजुर नै मलाई सम्हाल
तिम्रो खुशीले पिलाउ मलाई

मलाई भगाई घर लानु अघि
पहिले वरमाला लगाउ मलाई