– बिपिन तिवारी

टाढाबाट सोझै ठम्याउनु
नस्कने
ससाना डुङ्गा सरह
छवि छ उनको
हिन्दी भाषा व्यापक
मात्रामा बोल्छन्  ।।

उनमा डोरेमन,
मोटु पत्लु,
सिन्चेनको
भग्नावशेष अटो-बायो
र
क्यालि-ग्राफिक
विम्ब छ ।।

उफ्रिपाफ्रि
आकाशका तारा
छुनु खोज्छन् ।।

प्राय प्राय
एक्लै दगुर छन् ।।

चरा उडे झैं
उड्ने रूचि छ
उनको ।।

फिका फिका
झोँक छ
उनकोमा
जब कुनै अरुचि
फेला पर्छ
समयानुकूल भोगाइमा ।।

उनी
हुबहु  प्रेरणाका आलिङ्गन भोकमा
तड्कि रहन्छन्
तड्पि रहन्छन्
अविराम
हल्लाहरू बीच
एक्लोपनमा हराइ रहन्छन्
आफ्नो पनको निजी नाट्य शालामा ।।

***