काठमाडौँ / बितेको २४ घण्टामा नेपालमा थप १ हजार ८७५ जनामा कोरोना संक्रमण पुष्टि भएको छ । बितेको २४ घण्टामा कूल १० हजार ६६ जनाको कोरोना परीक्षण गरिएकोमा १ हजार ३१० जनाको पिसिआर र ५६५ जनाको एन्टेजिन विधिबाट गरिएको परीक्षणमा कोरोना पुष्टि भएको हो ।

स्वास्थ्य तथा जनसंख्या मन्त्रालयकाअनुसार यस अवधिमा थप २ हजार १६४ जना कोरोना संक्रमित निको भएका छन् । योसँगै निको हुने संक्रमितको संख्या ६ लाख ३० हजार ४०७ पुगेको छ ।

यसैगरी बितेको २४ घण्टामा २१ जना संक्रमितको मृत्यु भएको छ । यससँगै हालसम्म कूल ९ हजार ५२७ जनाले कोरोनाका कारण ज्यान गुमाएका छन् । हाल नेपालमा कोरोना निको हुने दर ९४.७ प्रतिशत रहेको छ ।

कूल ६ लाख ६५ हजार ८८६ जनाको पिसिआर र ४८ हजार ३६२ जनाको एन्टेजिन विधिबाट कोरोना संक्रमण पुष्टि भएकोमा हाल नेपालमा २५ हजार ९५२ जना संक्रमित संक्रमित रहेका छन् । पछिल्लो २४ घण्टामा काठमाडौँमा २९९ जना, ललितपुरमा ७७ जना र भक्तपुरमा ५२ जनामा कोरोना संक्रमण पुष्टि भएको छ ।