– योगी नारायणनाथ 

हे कैलाशवासी शिव, हे नीलकण्ठ भोला,

तिम्रै छ यो सृष्टि सारा, तिम्रै यो लीला।

शिरमा छ चन्द्रमा, गलामा सर्पको माला,

पगाली देऊ प्रभु, मेरो मनको ईर्ष्या र ज्वाला।

जटाबाट बग्ने गङ्गा, शीतलता छर्ने,

त्रिशूलधारी तिमी, दुःख कष्ट हर्ने।

भष्मको लेपन छ, बाघको छ छाला,

भक्तिले पुकार्छु म, खोली देऊ हृदयको ताला।

डमरुको नादले, संसार ब्युँझाउने,

ताण्डवको तालमा, अहंकार मेटाउने।

भूतनाथ तिमी नै, नाथका पनि नाथ,

जुगौँ-जुग रहोस् प्रभु, शिरमा तिम्रो हात।

ॐ नमः शिवायको जप, मनमा सधैँ होस्,

अन्जानमा भए पनि, पाप सबै क्षय होस्।

सत्यम् शिवम् सुन्दरम्, तिम्रो महिमा गाउँछु,

चरणमा परी म, परम शान्ति पाउँछु।

***