✍️ जीवन सरोवर

गजल – एक

ठिक छानिएको छ थुप्रै बेठिकबाट !
म यो नियालि रहेको छु नजिकबाट !!

‘यो संसार मान्छेहरुको प्रयोग रहेछ’ !
यस्तो बिज्ञप्ति आयो वैज्ञानिकबाट !!

किन उपहारमा मलाई आगो दियौ ?
र किन बनायौ मलाई प्लाष्टिकबाट ??

ए ! जीवन, भोलि देश कसरी रहला ?
आज देश पढिएन भने नागरिकबाट !!

गजल – दुई

बहुत बिश्वास गरेको मान्छेबाट घात भंयकर भयो !
हेलिकप्टर बनाउन खोजेको जिन्दगी स्टेचर भयो !!

चुरोट पिउन छोडकोमा बहुत पछुतो लागेको रहेछ !
चुरोट पिउन छोडेको बर्षाै पछि क्यान्सर भयो !!

सबथोक गरिएको थियो तिम्रो बन्नका लागि पनि!
र अचेल तिमिसंग टाढा हुने पनि एउटा रहर भयो !!

आमा छाउ नभैदिएको भए हामी जन्मिने थिएनौ !
आज आएर आमाको मृत्युको कारण छाउघर भयो !!