![](https://setomato.com/wp-content/uploads/2023/01/muktak-yogjyoti.jpg)
✍️ युगज्योति क्रियाशिल
मुक्तक – एक
जिउँदो लास हुँ म, आउ जलाएर जाउ
एक थुङ्गा फूल तिमी पनि चढाएर जाउ
दुख्दा दुख्दै नि मुस्कुराउँदैछ किन अझै
आउ यो मुटुमा तिमी छुरा चलाएर जाउ
मुक्तक – दुई
अद्भुत यो तिम्रो प्रभाव किन ?
यति धेरै तिमीसँग लगाव किन ?
लाग्छ पहिलो जुनीको नाता हो
तिम्रो याद मनको दबाब किन ?
मुक्तक – तीन
उम् आँखामा उदासी देख्न नसक्नु पनि त प्रेम हो
मनको भाव पानामा लेख्न नसक्नु पनि त प्रेम हो
कसले भन्या हुम् ? मिलन प्राप्ती मात्र प्रेम हो,
अनि यादका वेगलाई छेक्न नसक्नु पनि त प्रेम हो
मुक्तक – चार
हो सायद माया गर्न नजानेको मान्छे म
उम्, तिमीले आफ्नो नमानेको मान्छे म
लेखेको थिएन सायद तिम्रो माया पाउन
उफ्, बिर्सिएँ भाग्यले नै हानेको मान्छे म
मुक्तक – पाँच
ऐय्या ! मुटु नै दुख्ने बात नबोल न
त्यो मुस्कानमा नि जहर नघोल न
एक पल जिउने चाहना छ रमाएर
देहको पर्वाह छैन आत्मा नपोल न
प्रतिक्रिया
-
४