✍️ रामशरण श्रेष्ठ

गजल – एक

भगवान सँगै मन्दिर हराएको छ ।
उस्को प्रेमिकाको तस्विर हराएको छ ।

स्कूल पठाएको उस्को एउटै सन्तान
आज लाश भेटियो शिर हराएको छ ।

साहुको खेत जिन्दगी भर जोतेपछि
यो बुढेसकालमा जागिर हराएको छ ।

म देख्छु सामुन्ने छन् सबै गन्तब्यहरू
लाश भईएपछी पिर हराएको छ ।

गजल – दुई

जब प्रेमको, पुजारी भैदिन्छ
सद्दे मान्छे, बिमारी भैदिन्छ

नियत खराब, उसैको रहेछ
साथी संगी, सिकारी भैदिन्छ

तिमी यता, हेर्दै नहेर्नु है
नजर नजर, जुहारी भैदिन्छ ।

धेरै धनको, धमण्ड नर्गनु
करोडपती, भिखारी भैदिन्छ

शरीर अमर, कसैको हुँदैन
असल कर्म, चिनारी भैदिन्छ