✍️ यमन सुवेदी

गजल – एक

भँवरा भो छिचिमिरा , राखेकै ठाउँमा ।
फूलमा पो बद्ल्यो हीरा, राखेकै ठाउँमा ।

तिम्लाइ सामु राखी हिउँ बनाउने मन थ्यो
आगो बाल्यौ किन पिरा, राखेकै ठाउँमा ।

सिसा भए तिम्रो पाउमा बिझी सक्थें हुँला
भाुछ मुटु चिरा( चिरा , राखेकै ठाउँमा ।

झुक्याएर पिलाउनु त तिम्रो कमजोरी हो
बिष राख्नु किन मदिरा, राखेकै ठाउँमा ?

गजल – दुई

सुहाउदैन सरम बेच्दै हिडेको ।
जिन्दगी धमाधम बेच्दै हिडेको ।।

हिजो बजारमा तिमी जस्तै लाग्यो
आफ्नै प्रीयतम बेच्दै हिडेको ।

म यो के सुन्दैछु तिम्रो बारेमा
घाउ पार्दै मल्हम बेच्दै हिडेको ।

मैले यही भिडमा यौटा लेखक भेटें
गजल लेख्दै कलम बेच्दै हिडेको ।।