सौल – दक्षिण कोरियामा नेपाली कवि तथा कलाकार जीवन खत्रीलाई रात‍ो कार्पेटको सम्मान प्रदान गरीएको छ । गत शनिबार २६औँ जोओन्जु अन्तर्राष्ट्रिय चलचित्र महोत्सवको समापन कार्यक्रममा उनलाई उक्त सम्मान प्रदान गरिएको हो ।

जीवन खत्री सहित नेपाली कविहरू सुनिलदिप्त राई र दिलिप बान्तवाले मुख्य भूमिकामा अभिनय गरेको डकुमेन्ट्री चलचित्र “मेशिनको देशमा” महोत्सवमा उत्कृष्ट भई समापन समयको बिशेष शो प्राप्त गरेको थियो र आयोजकका अनुसार सुरुवाती चलचित्र र समापनको चलचित्रलाई बिशेष मानिन्छ र यसलाई महोत्सको अनुहार समेत भनिन्छ ।

रातो कार्पेटको सम्मान खत्रीका अलवा डकुमेन्ट्रीकी निर्माता तथा निर्देशक किम ओक यङ, सहायक निर्देशक किम सनहाय, नेपाली भाषाकी अनुवादक इ गिजु मुना र मोहन कार्की लगायत डकुमेन्ट्री चलचित्र निर्माण टिमलाई रातो कार्पेटले सम्मान गरिएको हो ।

जेओन्जु अन्तर्राष्ट्रिय चलचित्र महोत्सव कोरियाका तीन प्रमुख अन्तर्राष्ट्रिय चलचित्र महोत्सवहरू मध्ये एक हो । २६औँ जोओन्जु अन्तराष्ट्रिय फिल्म फेस्टिभल आयोजकका अनुसार फेस्टिभलका लागि विश्वभरबाट २,४९७ चलचित्रहरू पेश गरिएका थिए र ५७ देशका २२४ चलचित्रहरू (१४८ फिचर चलचित्रहरू र ७६ छोटो चलचित्रहरू) प्रदर्शन गरिएका थिए । ती मध्येबाट उत्कृष्ट दुई चलचित्रलाई सुरुवात र समापनको बिशेष शो प्रदान गर्दै रातो कार्पेटको सम्मान प्रदान गरिन्छ । अप्रिल ३० देखि मे ९ तारिखसम्म १० दिन चलेको फेस्टिभलमा सुरुवाती फिल्म राडु जुड द्वारा निर्देशित कन्टिनेन्टल २५ छनोट भएको थियो भने समापनका लागि काव्य डकुमेन्ट्री चलचित्र ‘मेशिनहरूको देशमा’ले उत्कृष्ट हुँदै समापनको शो पाएको थियो ।

प्रतिक्रिया

सम्बन्धित खवर