काठमाण्डौ – चन्द्रागिरी नगरपालिकामा रहेको सिर्जनशिल अपाङ्ग पुनस्थापना तथा विशेष शिक्षा बिद्यालयमा पढ्ने फरक क्षमताका बिद्यार्थिहरुलाई न्यानो कपडा बितरण गरिएको छ । अष्ट्रेलियामा रहेको स्वर्णिम युग फाउन्डेसनको एन्जेलो उपहार कार्यक्रम अन्तर्गत बालबालिकाहरुलाई न्यानो कपडा उपहार प्रदान गरिएको हो ।

स्वर्णिम युगको बोर्ड अफ डाईरेक्टर तथा नेपाल अध्यक्ष मनऋषी धिताल र उनका ३ बर्षिय छोरा एन्जेलोको जन्मोत्सवका अवसरमा संस्था मार्फत सबैलाई दुई जोर टीसर्ट, ट्राउजर तथा ट्र्याकसुट र हुडी उपहार स्वरूप प्रदान गर्नुभएको हो । उपहारलाई प्रमुख अतिथि मनऋषि धिताल, उहाँका सुपुत्र एन्जेलो, नुवाकोटमा कार्यक्रम बनाउन भूमिका खेल्ने पोर्चुगल निवासी जानुका धमला र सिर्जनशिल अपाङ्ग पुनस्थापना तथा विशेष शिक्षा बिध्यालयका संस्थापक एबम् अध्यक्ष दुर्गा शर्मा थापाले बिद्यार्थिहरुलाई बितरण गरेका थिए । उपहार कार्यक्रमलाई अष्ट्रेलियामा रहनुहुने रेश्मा तिमिल्सिना (एन्जेलोकी दिदी), खेम शर्मा, बिधान धिताल, दुर्गा भण्डारी खरेल, रित आचार्य घिमिरे लगायतले संस्थामा सहयोग गरेको जानकारी सो अवसरमा दिइएको थियो ।

कार्यक्रमलाई एसपि उप्रेतीले सहजिकरण गरेका थिए भने बिद्यालयका प्रधानाध्यापक कृष्ण लम्सालले सभापतित्व गरेका थिए । विद्यालयकी अध्यक्ष दुर्गा शर्मा थापाले विद्यालय स्थापना गर्नुको उदेश्य र सञ्चालनका क्रममा भोग्नुपरेका चुनौतीका बारेमा बोल्दै सहयोगी मनहरुलाई मन खोलेर सहयोग गरिदिनु हुन आग्रह गरे । मोडल, कलाकार एबम् समाजसेवी बिजेद्र नौभाग्यले विद्यालयलाई सहयोग गरेकोमा स्वर्णिम युग फाउन्डेसनलाई धन्यवाद दिए

संस्थालाई विश्वास गरेर योगदान गर्नुहुनेहरुलाई नेपाल अध्यक्ष धितालले धन्यवाद ज्ञापन गर्दै अस्ट्रेलियामा रहेर नेपाल र नेपालीका लागि विभिन्न अभियान संचालन गर्ने स्वर्णिम युगका संस्थापक खेम शर्मालाई पनि सो अवसरमा सम्झिए ।

त्यस्तै, गुणस्तरिय शिक्षाको लागि अभियान स्वरुप संस्थाले हाल सिन्धुली र काठमाडौंका बिद्यालयम यस खाले अभियान चलाईरहेको फाउन्डेसनका कार्यक्रम प्रमुख एसपी उप्रेतीले जानकारी दिए।  संस्थाले छिट्टै नुवाकोटमा पनि यसखाले कार्यक्रमहरु लैजान लागेको उहाँले बताए ।