नवराज न्याैपाने ‘माैन’

खुट्टा तान्ने धेरै भए हात तान्ने काेही छैन
हेर्दा आफ्ना देखिए नि दर्द जान्ने काेही छैन

वेदनाकाे भारी आज बिसाउन खाेजेकाे छु
सुख दु:ख साट्नलाई चाैतारी याे राेजेकाे छु
दुनियाँकाे हेला भएँ, आफ्नाे ठान्ने काेही छैन

हातगाेडा चलेसम्म परिश्रमी हुनेछु म
जिन्दगानी रहेसम्म कल्पनामा डुब्नेछु म
दुनियाँलाई मानेँ मैले मलाई मान्ने काेही छैन

आँसु बग्दा आँखाबाट पुछ्ने हात भेटिएन
पीडा धेरै भए पनि शान्त मुटु रेटिएन
तिमीलाई छानेँ मैले मलाई  छान्ने काेही छैन

खुट्टा तान्ने धेरै भए हात तान्ने काेही छैन
हेर्दा आफ्ना देखिए नि दर्द जान्ने काेही छैन

***